സംസ്ഥാനാന്തര ലഹരി ഇടപാട് മലയാളി ഉൾപ്പെടെ 2 പേർ അറസ്റ്റിൽ
Mail This Article
×
ബെംഗളൂരു ∙ എച്ച്എസ്ആർ ലേഒൗട്ടിൽ നിന്ന് മലയാളി ഉൾപ്പെടെ 2 സംസ്ഥാനാന്തര ലഹരിയിടപാടുകാർ അറസ്റ്റിൽ. 7.5 ലക്ഷം രൂപയുടെ ലഹരിമരുന്നു പിടികൂടി. മലയാളിയായ പി.കെ.രാഖിദ് (24), മണിപ്പൂരിൽ നിന്നുള്ള മയങ് മായും (44) എന്നിവരാണ് അറസ്റ്റിലായത്. ഇവരിൽ നിന്ന് 3 കിലോഗ്രാം കഞ്ചാവും 300 രാസലഹരി ഗുളികകളുമാണ് എച്ച്എസ്ആർ പൊലീസ് പിടിച്ചെടുത്തത്. മയങ് മണിപ്പൂരിൽ നിന്നെത്തിക്കുന്ന കഞ്ചാവ് രാഖിദിന്റെ സഹായത്തോടെ ചെറു പാക്കറ്റുകളിലാക്കി കഴിഞ്ഞ 2 വർഷമായി വിൽപന നടത്തുകയായിരുന്നു. ഇരുവരും സ്വകാര്യ കമ്പനി ജീവനക്കാരാണ്.കഴിഞ്ഞ ദിവസം ഹോം ഡെലിവറി ജീവനക്കാരെ ഉപയോഗപ്പെടുത്തി വീട്ടുപടിക്കൽ കഞ്ചാവ് എത്തിക്കുന്ന 7 അംഗ റാക്കറ്റിനെ ബെംഗളൂരുവിൽ നർകോട്ടിക്സ് കൺട്രോൾ ബ്യൂറോ (എൻസിബി) അറസ്റ്റ് ചെയ്തിരുന്നു. ഹൈദരാബാദിൽ നിന്നാണ് സംഘം ലഹരിമരുന്ന് എത്തിച്ചിരുന്നതെന്നു പിന്നീട് കണ്ടെത്തിയിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.