ബസും ഓട്ടോയും കൂട്ടിയിടിച്ച് 3 പേർ മരിച്ചു

മൈസൂരു ∙ കർണാടക ആർടിസി ബസുംഓട്ടോറിക്ഷയും ഇടിച്ചുണ്ടായ അപകടത്തിൽ പ്രതിശ്രുതവരനും സഹോദരിയും പിഞ്ചുകുഞ്ഞും ഉൾപ്പെടെ 3 പേർ മരിച്ചു. മൈസൂരുവിലെ വരക്കോടു നടന്ന അപകടത്തിൽ ടി നരസീപുര സ്വദേശി ഇമ്രാൻ പാഷ (28), യാസ്മീൻ (30), മകൻ അഫ്നൻ (2) എന്നിവരാണ് മരിച്ചത്. ഇമ്രാൻ പാഷയ്ക്ക് വിവാഹ വസ്ത്രമെടുക്കാൻ മൈസൂരുവിലേക്കു പോകുന്നതിനിടെയാണ് അപകടം. ഓട്ടോയും ബസും നേർക്കുനേർ ഇടിക്കുകയായിരുന്നു. 24നാണ് ഇമ്രാന്റെ വിവാഹം നിശ്ചയിച്ചിരുന്നത്.