വൈറ്റ്ഫീൽഡ് ഗുഡ്സ് ഷെഡ് യാഡിലേക്ക് മികച്ച റോഡ്

ബെംഗളൂരു ∙ വൈറ്റ്ഫീൽഡിലെ റെയിൽവേ ഗുഡ്സ് ഷെഡ് യാഡിലേക്കുള്ള പുതിയ റോഡ് നിർമാണം പുരോഗമിക്കുന്നു. 2 കോടി രൂപ ചെലവിട്ടാണ് 600 മീറ്റർ നീളത്തിൽ 15 മീറ്റർ വീതിയിൽ കോൺക്രീറ്റ്  റോഡ് നിർമിക്കുന്നത്. നഗരത്തിലേക്കുള്ള ഭക്ഷ്യധാന്യങ്ങൾ, സിമന്റ്, ഇരുമ്പ്, രാസവളം എന്നിവ എത്തുന്ന ടെർമിനലിൽ പ്രതിവർഷം 25 ലക്ഷം ടൺ ചരക്ക് കൈകാര്യം ചെയ്യുന്നുണ്ട്. നേരത്തേയുണ്ടായിരുന്ന റോഡിന്റെ ശോചനീയാവസ്ഥ കാരണം ലോറികൾ ചെളിയിൽ താഴുന്നത് പതിവായിരുന്നു. ഗുഡ്സ് ഷെഡിൽ കൂടുതൽ ചരക്കു കൈകാര്യം ചെയ്യാനുള്ള പുതിയ ടെർമിനലുകളുടെ നിർമാണവും അവസാനഘട്ടത്തിലാണ്.