യാഡ് നവീകരണം: 7 മുതൽ 11 വരെ ട്രെയിനുകൾ കൊച്ചുവേളിയിൽ എത്തില്ല

ബെംഗളൂരു∙ കൊച്ചുവേളി യാഡ് നവീകരണത്തിന്റെ ഭാഗമായി ബെംഗളൂരുവിൽ നിന്ന് കൊച്ചുവേളി വഴി കടന്നുപോകുന്ന ട്രെയിനുകൾക്ക് ഈ മാസം 7 മുതൽ 11 വരെ നിയന്ത്രണം ഏർപ്പെടുത്തി ദക്ഷിണ റെയിൽവേ. 

കോട്ടയത്ത് നിന്ന് 

∙ കൊച്ചുവേളി–യശ്വന്ത്പുര ഗരീബ് രഥ് എക്സ്പ്രസ് (12258) 7നും 9നും രാത്രി 7.43നു കോട്ടയത്ത് നിന്ന് പുറപ്പെടും. കോട്ടയം–കൊച്ചുവേളി സർവീസ് റദ്ദാക്കി. 

∙ കൊച്ചുവേളി–ഹുബ്ബള്ളി സൂപ്പർഫാസ്റ്റ് എക്സ്പ്രസ് (12778) 8നു വൈകിട്ട് 3.20നു കോട്ടയത്ത് നിന്ന് പുറപ്പെടും. കോട്ടയം–കൊച്ചുവേളി സർവീസ് റദ്ദാക്കി. 

∙ കൊച്ചുവേളി–യശ്വന്ത്പുര എസി സൂപ്പർഫാസ്റ്റ് എക്സ്പ്രസ് 9നു വൈകിട്ട് 3.20നു കോട്ടയത്ത് നിന്ന് പുറപ്പെടും. കോട്ടയം–കൊച്ചുവേളി സർവീസ് റദ്ദാക്കി. 

എറണാകുളത്ത് നിന്ന് 

∙ മൈസൂരു–കൊച്ചുവേളി പ്രതിദിന എക്സ്പ്രസ് (16315) 6 മുതൽ 10 വരെയുള്ള ദിവസങ്ങളിൽ എറണാകുളം ജംക്‌ഷൻ  വരെ മാത്രമേ സർവീസ് നടത്തൂ. മൈസൂരുവിൽ നിന്ന് ഉച്ചയ്ക്ക് 12.15ന് പുറപ്പെടും. 

∙ കൊച്ചുവേളി–മൈസൂരു എക്സ്പ്രസ് (16316) 7 മുതൽ 11 വരെയുള്ള ദിവസങ്ങളിൽ രാത്രി 8.35ന് എറണാകുളം ജംക്‌ഷനിൽ നിന്നാണ് പുറപ്പെടുക. കൊച്ചുവേളി–എറണാകുളം സർവീസ് റദ്ദാക്കി. 

കൊല്ലം വരെ മാത്രം 

∙ കെഎസ്ആർ ബെംഗളൂരു–കന്യാകുമാരി എക്സ്പ്രസ് (16526) 10നു കൊല്ലം ജംക്‌ഷനിൽ സർവീസ് അവസാനിപ്പിക്കും. കൊല്ലം–കന്യാകുമാരി സർവീസ് റദ്ദാക്കി. 

തിരുനെൽവേലി വഴി 

∙കന്യാകുമാരി–കെഎസ്ആർ ബെംഗളൂരു എക്സ്പ്രസ് (16525) 11നു രാവിലെ 10.10നു കന്യാകുമാരിയിൽ നിന്ന് പുറപ്പെടും. 

തിരുനെൽവേലി, മധുര, ദിണ്ഡിഗൽ, പൊള്ളാച്ചി, പാലക്കാട് ജംക്‌ഷൻ, കോയമ്പത്തൂർ വഴിയായിരിക്കും സർവീസ്. 

ഇരണിയൽ ജംക്്ഷൻ മുതൽ  ഒറ്റപ്പാലം വരെ  സർവീസ് നടത്തില്ല.