ബെംഗളൂരു∙ മൈസൂരു–ബെംഗളൂരു ദേശീയപാതയിലെ (എൻഎച്ച് 275) മണ്ഡ്യ ബൈപാസ് ഗതാഗതത്തിനായി തുറന്നുകൊടുത്തു. 118 കിലോമീറ്റർ ദൂരം വരുന്ന പാതയിലെ ചന്നപട്ടണ, രാമനഗര ബൈപ്പാസുകൾ നേരത്തെ തുറന്നിരുന്നു.   ഇനി തുറക്കാനുള്ള  ശ്രീരംഗപട്ടണ ബൈപാസിന്റെ നിർമാണം പുരോഗമിക്കുകയാണ്. ഫെബ്രുവരി പകുതിയോടെ പൂർത്തിയാകുമെന്ന് ദേശീയപാത അതോറിറ്റി അധികൃതർ പറഞ്ഞു. അടുത്തമാസം അവസാനം പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യുന്ന ദേശീയപാത 10 വരിയായാണ് വികസിപ്പിക്കുന്നത്.  സർവീസ് റോഡുകളുടെ നിർമാണവും പൂർത്തിയാകാനുണ്ട്. റോഡ് പൂർണമായി പൂർത്തിയാകുന്നതോടെ ഇരുനഗരങ്ങൾക്കുമിടയിലെ യാത്രാസമയം ഒരുമണിക്കൂർ 10 മിനിറ്റായി ചുരുങ്ങും.