നിക്ഷേപകരെ കബളിപ്പിക്കൽ: ഹിന്ദുസ്ഥാൻ ഇൻഫ്രാകോണിന്റെ 71.48 കോടി സ്വത്ത് കണ്ടുകെട്ടി

ബെംഗളൂരു∙ നിക്ഷേപകരെ കബളിപ്പിച്ചെന്ന കേസിൽ റിയൽ എസ്റ്റേറ്റ് കമ്പനിയായ ഹിന്ദുസ്ഥാൻ ഇൻഫ്രാകോണിന്റെ 71.48 കോടി രൂപയുടെ സ്വത്തുവകകൾ എൻഫോഴ്സ്മെന്റ് ഡയറക്ടറേറ്റ് (ഇഡി) കണ്ടുകെട്ടി. ബെംഗളൂരു, മൈസൂരു, ആന്ധ്രാപ്രദേശിലെ അനന്തപൂർ എന്നിവിടങ്ങളിലെ സ്വത്തുക്കളാണിത്. 718817 പേരിൽ നിന്ന് 389 കോടി രൂപയുടെ നിക്ഷേപം സമാഹരിച്ച ശേഷം ഇതിൽ 199 കോടി രൂപ മടക്കിക്കൊടുക്കുന്നതിൽ വീഴ്ച വരുത്തിയതിനെ തുടർന്നുള്ള കേസാണിത്. ഈ പണം കമ്പനിയുടെ പേരിൽ അനധികൃതമായി സ്വത്തു വകകൾ വാങ്ങാനും ഉടമകളുടെ പേരിൽ നിക്ഷേപിക്കാനും വിനിയോഗിച്ചതായാണ് ഇഡി കണ്ടെത്തൽ.