ബെംഗളൂരു∙ 14 മിനിറ്റിൽ ട്രെയിനുകൾ വൃത്തിയാക്കുന്ന 14 മിനിറ്റ്സ് ഓഫ് മിറക്കിൾ പദ്ധതിക്ക് ദക്ഷിണ പശ്ചിമ റെയിൽവേയിൽ തുടക്കമായി. മൈസൂരു–ചെന്നൈ, യശ്വന്തപുര–കാച്ചേഗുഡ വന്ദേഭാരത് എക്സ്പ്രസുകൾ 14 മിനിറ്റ് കൊണ്ട് വൃത്തിയാക്കിയാണ് ജീവനക്കാർ മാതൃകയായത്. 

ജപ്പാനിലെ ബുള്ളറ്റ് ട്രെയിനുകൾ 7 മിനിറ്റിന് വൃത്തിയാക്കുന്ന പദ്ധതിയിൽ നിന്ന് പ്രചോദനം ഉൾക്കൊണ്ടാണ് ഇന്ത്യൻ റെയിൽവേ സമാനമായ മാതൃക രാജ്യത്ത് നടപ്പിലാക്കുന്നത്. യശ്വന്ത്പുര സ്റ്റേഷനിൽ നടന്ന ശുചീകരണ യജ്ഞത്തിന് ബെംഗളൂരു ഡിവിഷനൽ മാനേജർ യോഗേഷ് മോഹൻ, മൈസൂരുവിൽ നടന്ന ചടങ്ങിൽ ഡിവിഷനൽ മാനേജർ ശിൽപി അഗർവാൾ എന്നിവർ നേതൃത്വം നൽകി.