ജലവിതരണത്തിലെ പരാതികൾ അറിയിക്കാം; വരുന്നു, വാട്സാപ് ചാറ്റ്ബോട്ട് സൗകര്യം

ബെംഗളൂരു ∙ ജലവിതരണവുമായി ബന്ധപ്പെട്ട പരാതികൾ സ്വീകരിക്കാൻ നിർമിത ബുദ്ധിയുടെ (എഐ) സഹായത്തോടെ പ്രവർത്തിക്കുന്ന വാട്സാപ് ചാറ്റ്ബോട്ട് ജല അതോറിറ്റി പുറത്തിറക്കും. ഉപഭോക്താക്കളുമായി അതോറിറ്റിക്കു ബന്ധപ്പെടാനാകുന്ന സംവിധാനം രണ്ടാഴ്ചക്കുള്ളിൽ പുറത്തിറക്കുമെന്ന് അതോറിറ്റി ചെയർമാൻ റാം പ്രസാദ് മനോഹർ അറിയിച്ചു.

ജല വിതരണം മുടങ്ങുന്നത് ഉൾപ്പെടെയുള്ള അറിയിപ്പുകളും അതോറിറ്റി ഇതുവഴി ഉപഭോക്താക്കളെ അറിയിക്കും. അതോറിറ്റിയെ പരാതികൾ അറിയിക്കാനുള്ള നമ്പറുകൾ ഫലപ്രദമല്ലെന്ന പരാതി വ്യാപകമായതിനെ തുടർന്നാണ് നടപടി.