ADVERTISEMENT

ചെന്നൈ ∙ ബിടെക്, എംടെക് അവസാന സെമസ്റ്റർ പരീക്ഷകൾ ഓൺലൈൻ വഴി നടത്താനൊരുങ്ങി അണ്ണാ സർവകലാശാല. സെപ്റ്റംബറോടെ അവസാന സെമസ്റ്റർ പരീക്ഷകൾ പൂർ‌ത്തിയാക്കണമെന്ന യുജിസി നിർദേശത്തിന്റെ അടിസ്ഥാനത്തിലാണു പരീക്ഷകൾ നടത്താനുള്ള ഒരുക്കങ്ങൾ വേഗത്തിലാക്കിയത്. കോവിഡിന്റെ പശ്ചാത്തലത്തിൽ അവസാനത്തേത് ഒഴികെയുള്ള മുഴുവൻ സെമസ്റ്റർ പരീക്ഷകളും റദ്ദാക്കാൻ സംസ്ഥാന ഉന്നത വിദ്യാഭ്യാസ വകുപ്പ് തീരുമാനിച്ചിരുന്നു. യുജിസി നിർദേശമനുസരിച്ച് അവസാന സെമസ്റ്ററിന്റെ കാര്യത്തിൽ തീരുമാനമെടുക്കുമെന്നും അറിയിച്ചു. 

സംസ്ഥാനത്തു കോവിഡ് വ്യാപനത്തിനു ശമനമില്ലാത്തതിനെ തുടർന്നാണ് അവസാന സെമസ്റ്റർ പരീക്ഷകൾ ഓൺലൈൻ വഴി നടത്താൻ സർവകലാശാല തയാറെടുക്കുന്നത്. ലോക്ഡൗണിനെത്തുടർന്നു സർവകലാശാലയ്ക്കു കീഴിലുള്ള കോളജുകളിൽ പഠിക്കുന്ന കേരളത്തിൽ നിന്നുൾപ്പെടെയുള്ള വിദ്യാർഥികൾ നാട്ടിലേക്കു മടങ്ങിയിരുന്നു.‍ കോളജുകളിൽ സാധാരണ ഉണ്ടാകാറുള്ള അവസാന വട്ട പരീക്ഷാ തയാറെടുപ്പുകൾ മുടങ്ങിയത് ഇത്തവണത്തെ പരീക്ഷയെ ബാധിക്കുമോയെന്ന ആശങ്ക മിക്ക വിദ്യാർഥികൾക്കുമുണ്ട്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com