സൗജന്യ യാത്രികരായി 8 ലക്ഷം സ്ത്രീകൾ

ചെന്നൈ ∙ സംസ്ഥാനത്തെ നഗര ബസുകളിൽ സൗജന്യമായി യാത്ര ചെയ്യുന്ന സ്ത്രീകളുടെ എണ്ണം 8 ലക്ഷത്തോളമായി ഉയർന്നു. പ്രവൃത്തി ദിവസങ്ങളിൽ എട്ടു ലക്ഷത്തോളം പേരും വാരാന്ത്യങ്ങളിൽ ഏഴര ലക്ഷത്തോളം പേരും സൗജന്യമായി യാത്ര ചെയ്യുന്നു. 

ഡിഎംകെ സർക്കാർ അധികാരത്തിലെത്തിയതിനു ശേഷമാണ് നഗരത്തിലോടുന്ന ഓർഡിനറി ബസുകളിൽ സത്രീകൾക്കു ദിവസവും യാത്ര സൗജന്യമാക്കിയത്. തുടക്കത്തിൽ 5 ലക്ഷത്തോളം പേരായിരുന്നു സൗജന്യമായി യാത്ര ചെയ്തിരുന്നത്. ഗതാഗത വകുപ്പിനു കീഴിലായി 3,233 ബസുകളാണു ചെന്നൈ, മധുര, കോയമ്പത്തൂർ ഉൾപ്പെടെ വിവിധ നഗരങ്ങളിലൂടെ സർവീസ് നടത്തുന്നത്.