ലൈക്ക് കുറയുന്നത് മനോനില തെറ്റിക്കുന്നു

റീലുകൾക്ക് ലൈക്കുകൾ കുറഞ്ഞതുമൂലമുള്ള മാനസിക പ്രശ്നങ്ങളും ഇവ നിർമിക്കുന്ന കുട്ടികളിൽ കൂടി വരുന്നതായാണ് റിപ്പോർട്ട്. റീൽ ‍നിർമാണത്തിന്റെ ഭാഗമായി കൂട്ടുകാരെ പൊതുജനമധ്യത്തിൽ പരിഹസിക്കുക, ഉപദ്രവിക്കുക തുടങ്ങിയ സംഭവങ്ങളും കൂടുന്നു. ഇവയുടെ ഇരകളാകുന്നവരെ മാനസിക ബുദ്ധിമുട്ടുകളും സമ്മർദവും താങ്ങാനാകാതെ ആത്മഹത്യയിലേക്കു വരെ നയിക്കുന്ന സംഭവങ്ങളും ഉണ്ടാകാറുണ്ട്. റീൽ നിർമാണത്തിനുവേണ്ടി സമയം ചെലവഴിക്കുന്നത് പലരുടെയും പഠനത്തെയും സാരമായി ബാധിക്കുന്നതായി അധ്യാപകരും പറയുന്നു.