മെട്രോയുടെ വാതിൽ തടസ്സപ്പെടുത്തിയാൽ 4 വർഷം തടവ്, പിഴ

ചെന്നൈ ∙ മെട്രോ ട്രെയിനുകളുടെ വാതിലുകളുടെ പ്രവർത്തനം തടസ്സപ്പെടുത്തുന്ന യാത്രക്കാർക്കെതിരെ മുന്നറിയിപ്പുമായി ചെന്നൈ മെട്രോ റെയിൽ ലിമിറ്റഡ് (സിഎംആർഎൽ). വാതിലുകളുടെ പ്രവർത്തനം ചില ‌യാത്രക്കാർ തുടർച്ചയായി തടസ്സപ്പെടുത്തുന്നതായി പരാതി ഉയർന്നതിനാലാണു മുന്നറിയിപ്പ്. ഇത്തരം പ്രവൃത്തികൾ നിയമലംഘനമാണെന്നും ഓപ്പറേഷൻസ് ആൻഡ് മെയ്ന്റനൻസ് നിയമപ്രകാരം 4 വർഷം വരെ തടവും 5,000  രൂപ വരെ പിഴയും ലഭിക്കുമെന്നും സിഎംആർഎൽ അറിയിച്ചു. നിയമലംഘനം ശ്രദ്ധയിൽപെട്ടാൽ കസ്റ്റമർ കെയർ ഹെൽപ്‌ലൈനിൽ റിപ്പോർട്ട് ചെയ്യുന്നതിന് 1860 425 1515.