സുരക്ഷ ശക്തമാക്കാൻ തമിഴ്നാട്ടിൽ വീണ്ടും മോക്ഡ്രിൽ

ചെന്നൈ ∙ ആഭ്യന്തര വകുപ്പിന്റെ നേതൃത്വത്തിൽ നടത്തിയ മോക്ഡ്രില്ലിന് പിന്നാലെ സംസ്ഥാനത്ത് വീണ്ടും സുരക്ഷാ പരിശീലന പരിപാടികളുമായി ദുരന്ത നിവാരണ അതോറിറ്റി. തുടർച്ചയായി മൂന്നാം ദിവസവും നഗരത്തിനു സമീപം അത്തിപ്പട്ടിലെ നോർത്ത് ചെന്നൈ തെർമൽ പവർ സ്റ്റേഷനിലും തിരുച്ചിറപ്പള്ളി കൂടംകുളം ആണവനിലയത്തിലുമാണ് മോക്ഡ്രിൽ നടത്തിയത്.

അടിയന്തര ഘട്ടങ്ങളിൽ സുരക്ഷാ നടപടികൾ സ്വീകരിക്കുന്നതു സംബന്ധിച്ച തയാറെടുപ്പെന്ന നിലയിലാണ് മോക്ഡ്രിൽ നടത്തുന്നതെന്ന് അധികൃതർ പറഞ്ഞു. കഴിഞ്ഞ ദിവസങ്ങളിൽ കൽപാക്കം ആണവനിലയം, ചെന്നൈ തുറമുഖം, കാമരാജർ തുറമുഖം, ചെന്നൈ വിമാനത്താവളം തുടങ്ങിയ ഇടങ്ങളിൽ മോക്ഡ്രിൽ നടത്തിയിരുന്നു. പൊലീസ്, അഗ്നിശമന സേന, ദുരന്ത നിവാരണ സേന, എൻസിസി, സ്കൗട്സ്, ആരോഗ്യ പ്രവർത്തകർ തുടങ്ങിയവർ ഇതിന്റെ ഭാഗമായി.