വി.പി.സാനു വിവാഹിതനായി
Mail This Article
×
വൈപ്പിൻ∙ എസ്എഫ്ഐ ദേശീയ പ്രസിഡന്റ് വി.പി.സാനുവും വൈപ്പിൻ പള്ളിപ്പുറം സ്വദേശി ഗാഥ എം.ദാസും കുഴുപ്പിള്ളി സബ് റജിസ്ട്രാർ ഓഫിസിൽ വിവാഹിതരായി. കുടുംബാംഗങ്ങളുടെയും ഏതാനും നേതാക്കളുടെയും അടുത്ത സുഹൃത്തുക്കളുടെയും സാന്നിധ്യത്തിൽ സ്പെഷൽ മാരേജ് ആക്ട് പ്രകാരമായിരുന്നു വിവാഹം. തുടർന്നു ചെറായി സഹോദരൻ സ്മാരകത്തിൽ സൽക്കാരവും ഉണ്ടായിരുന്നു.
എസ്. ശർമ എംഎൽഎ, കിസാൻ സഭ ദേശീയ ജോയിന്റ് സെക്രട്ടറി ഡോ.വിജു കൃഷ്ണൻ, എസ്എഫ്ഐ ദേശീയ സെക്രട്ടറി മയൂഖ് ബിശ്വാസ് തുടങ്ങിയവർ സംബന്ധിച്ചു. സിപിഎം മലപ്പുറം ജില്ലാ സെക്രട്ടേറിയറ്റ് അംഗം വി.പി.സക്കറിയയുടെയും വി.റംലയുടെയും മകനാണു സാനു. വൈപ്പിൻ പള്ളിപ്പുറം വാത്തുശേരി മുരളിദാസിന്റെയും ജയലക്ഷ്മിയുടെയും മകളാണ് ഗാഥ. നാളെ മലപ്പുറം വളാഞ്ചേരി സാഗർ ഓഡിറ്റോറിയത്തിൽ വിപുലമായ വിവാഹസൽക്കാരം നടക്കും.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
