കോവിഡ് പ്രതിരോധം; പലിശ രഹിത വായ്പ അനുവദിച്ച് സഹകരണ ബാങ്ക്

കൊച്ചി∙ കോവിഡ് പ്രതിരോധത്തിൽ സർക്കാരിനോടൊപ്പം കൈകോർക്കുകയാണ് വിവിധ സംഘടനകളും. വായ്പകളും ഓൺലൈൻ കൗൺസിലിങുകളും ലഭ്യമാക്കുമെന്ന് വിവിധ സംഘടനാ ഭാരവാഹികൾ പറയുന്നു.

പലിശരഹിത വായ്പ

മുളവുകാട് ∙കോവിഡ് പ്രതിരോധത്തോടനുബന്ധിച്ചു അംഗങ്ങൾക്കു മുളവുകാട് സർവീസ് സഹകരണബാങ്ക് 5000 രൂപ പലിശരഹിത വായ്പ നൽകുമെന്ന് അറിയിച്ചു.

വാട്സാപ്  ആർട് ക്ലാസ്

കൊച്ചി ∙ കോവിഡ് 19ന്റെ പശ്ചാത്തലത്തിൽ വീട്ടിലിരുന്നു ചിത്രകല പഠിക്കാൻ എളംകുളം പ്രഷ്യൻ ബ്ലൂ ആർട്ട്‌ ഹബ് സൗജന്യമായി വാട്സാപ് ആർട് ക്ലാസ് നടത്തുന്നു. ചിത്രകലാ സംബന്ധിയായ ഏതു സംശയവും തീർക്കും–9446383123.

ഓൺലൈൻ  കൗൺസലിങ്

കൊച്ചി ∙ കോവിഡ് 19ന്റെ നിയന്ത്രണങ്ങളിൽ പ്രയാസം അനുഭവിക്കുന്നവർക്ക് വൈറ്റില മാർത്തോമ ഗൈഡൻസ് സെന്ററിൽ സൗജന്യ ഓൺലൈൻ കൗൺസലിങ് സൗകര്യം ഏർപ്പെടുത്തിയിരിക്കുന്നു. രാവിലെ 10 മുതൽ വൈകിട്ട് 5 വരെ ബന്ധപ്പെടാം : 9447400740.