പലതും എത്തിച്ചുനൽകാമെന്ന് പറഞ്ഞ് തട്ടിപ്പിനു സാധ്യത; ഇവ ശ്രദ്ധിക്കാം..

കൊച്ചി∙ ലോക്ഡൗൺ കാലത്ത്‌ മാസ്ക്, ഭക്ഷണം, സാനിറ്റൈസർ, ഗ്ലൗസ്, മരുന്ന്, മറ്റ് അവശ്യ സാധനങ്ങൾ എന്നിവ എത്തിച്ചു നൽകാമെന്നു വാഗ്ദാനം ചെയ്തു പണം തട്ടാൻ സാധ്യതയുണ്ടെന്നു സിറ്റി പൊലീസ് ഡപ്യൂട്ടി കമ്മിഷണർ ജി. പൂങ്കുഴലിയുടെ മുന്നറിയിപ്പ്. ബാങ്ക് അക്കൗണ്ട് നമ്പർ, ഫോൺ നമ്പർ എന്നിവ പരസ്യം ചെയ്ത് പണം കൈമാറാൻ തട്ടിപ്പുകാർ ആവശ്യപ്പെടും.

സമൂഹമാധ്യമങ്ങളിലൂടെയും എസ്എംഎസ്, ഇമെയിൽ എന്നിവ വഴിയും ഈ ആവശ്യം ജനങ്ങളിലെത്താനിടയുണ്ട്. വ്യാജന്മാരുടെ ഇത്തരം സന്ദേശം ലഭിച്ചാൽ പൊലീസ് സ്റ്റേഷനിൽ അറിയിക്കണം. പരിചയമില്ലാത്ത ഇമെയിലുകൾ തുറക്കരുത്. അതിഥി തൊഴിലാളികൾക്കു വേണ്ടിയുള്ള സിറ്റി പൊലീസിന്റെ സ്വരക്ഷ ഫോൺ നമ്പറുകൾ: 8590202051, 8590202055, 8590202065.