മാഞ്ഞാലി തോടിൽ മീൻചാകര,3 കിലോഗ്രാം തൂക്കമുള്ള മീൻ വരെ; ചൂണ്ടയിടാൻ എത്തുന്നവരുടെ എണ്ണമേറി

അങ്കമാലി ∙ കനത്ത മഴ ഒന്നു തോർന്നപ്പോൾ മാഞ്ഞാലി തോടിൽ ചാകര. തോട്ടിൽ മീൻ പിടിക്കാൻ എത്തുന്നവരുടെ എണ്ണമേറി. തോടിന്റെ കരകളിൽ ചൂണ്ടക്കാർ നിറഞ്ഞു. ചൂണ്ട ഇടാനായി എത്തുന്നവരിൽ കൂടുതലും അതിഥിത്തൊഴിലാളികളാണ്. കൂരി ഉൾപ്പെടെയുള്ള മീനുകളാണ് ചൂണ്ടയിൽ ലഭിക്കുന്നത് .കഴിഞ്ഞ ദിവസം 3 കിലോഗ്രാം തൂക്കമുള്ള മീൻ ലഭിച്ചു. കനത്ത മഴയെ തുടർന്ന് തോട്ടിലെ പായലിൽ ഭൂരിഭാഗം ഒഴുകിപ്പോയി. നേരത്തെ തോടിന്റെ വശങ്ങളിൽ പായൽ മൂടി കിടന്നതിനാൽ ചൂണ്ടയിടുന്നതിന് തടസ്സങ്ങൾ ഉണ്ടായിരുന്നു.