മെട്രോ നടപ്പാതയിൽ ചെടിക്കള്ളന്മാർ; സിസിടിവി ദൃശ്യങ്ങൾ സഹിതം പരാതി നൽകാൻ അധികൃതർ
Mail This Article
×
ആലുവ∙ മെട്രോ നടപ്പാതയിൽ നിന്നു മുന്തിയ ഇനം പൂച്ചെടികളും അലങ്കാര ചെടികളും മോഷണം പോകുന്നു. ആലുവ മെട്രോ സ്റ്റേഷൻ മുതൽ പുളിഞ്ചോട് വരെ റോഡിന്റെ ഇരുവശത്തും കെഎംആർഎൽ നട്ടുവളർത്തി, സമീപത്തെ വ്യാപാര സ്ഥാപനങ്ങൾ പരിപാലിക്കുന്ന ചെടികളാണു രാത്രി പിഴുതു കൊണ്ടുപോകുന്നത്.
കഴിഞ്ഞ 3 മാസത്തിനുള്ളിൽ ഒട്ടേറെ ചെടികൾ അപ്രത്യക്ഷമായി. തുടർന്നു സിസിടിവി ദൃശ്യങ്ങൾ പരിശോധിച്ചപ്പോഴാണു മോഷണമാണെന്നു മനസ്സിലായത്. ഞായറാഴ്ചകളിലാണു മോഷണം ഏറെയും നടന്നത്. 500 മുതൽ 2,000 രൂപ വരെ വിലയുള്ള ചെടികളുണ്ടു നഷ്ടപ്പെട്ടവയിൽ. സിസിടിവി ദൃശ്യങ്ങൾ സഹിതം പൊലീസിൽ പരാതി നൽകാൻ ഒരുങ്ങുകയാണ് അധികൃതർ.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
