‘അക്ഷയ’ ഒന്നാം സമ്മാനം പെയിന്റിങ് തൊഴിലാളിക്ക്; സ്വന്തം കിടപ്പാടമെന്ന സ്വപ്നം ഇതോടെ സഫലമാകും

ആലുവ∙ സംസ്ഥാന ഭാഗ്യക്കുറിയുടെ അക്ഷയ ലോട്ടറി ഒന്നാം സമ്മാനം 70 ലക്ഷം രൂപ ലഭിച്ചതു പെയിന്റിങ് തൊഴിലാളിയായ എടത്തല നൊച്ചിമ കുടിയിരിക്കൽ കെ.കെ. കൃഷ്ണകുമാറിന്. വാടകവീട്ടിൽ കഴിയുന്ന കൃഷ്ണകുമാറിന്റെ സ്വന്തം കിടപ്പാടമെന്ന സ്വപ്നം ഇതോടെ സഫലമാകും. ചൊവ്വാഴ്ച ജോലി കഴിഞ്ഞു മടങ്ങുമ്പോൾ വിടാക്കുഴ കവലയിലെ ലോട്ടറി ഏജന്റ് വി.കെ. സുനിലിന്റെ പക്കൽ നിന്നാണു സമ്മാനാർഹമായ ടിക്കറ്റ് വാങ്ങിയത്.   4 വർഷമായി സ്ഥിരമായി ലോട്ടറി എടുക്കുന്നു. 5,000 രൂപ വരെയുള്ള സമ്മാനങ്ങൾ മുൻപു ലഭിച്ചിട്ടുണ്ട്. ഭാര്യ: അഞ്ജലീദേവി. മകൻ: യദുകൃഷ്ണ.