എസ്എൻ ജംക്‌ഷനിൽ ധന്വന്തരിയും ചരക മഹർഷിയുടെ സൃഷ്ടികളും, വടക്കേക്കോട്ടയിൽ 'സ്വാതന്ത്ര്യസമരം'; കൊച്ചി മെട്രോയുടെ തീം ഡിസൈനുകൾ

ernakulam-freedom-fight-painting
തൃപ്പൂണിത്തുറ വടക്കേക്കോട്ട മെട്രോ സ്റ്റേഷനിൽ ‘കേരളത്തിലെ സ്വാതന്ത്ര്യസമരം’ പ്രമേയത്തിന്റെ ഭാഗമായി മഹാത്മാ ഗാന്ധി കൊച്ചിയിൽ എത്തിയ സംഭവങ്ങൾ കോർത്തിണക്കി ഒരുക്കിയ ചിത്രീകരണം.
SHARE

തൃപ്പൂണിത്തുറ ∙ കൊച്ചി മെട്രോയുടെ വടക്കേക്കോട്ട, എസ്എൻ ജംക്‌ഷൻ സ്റ്റേഷനുകൾ ഉടൻ പ്രവർത്തനം തുടങ്ങും. വ്യത്യസ്തമായ തീം ഡിസൈനുകൾ സ്റ്റേഷനുകൾ‌ക്കായി ഒരുങ്ങിക്കഴിഞ്ഞു.  ‘കേരളത്തിലെ സ്വാതന്ത്ര്യസമരം’ എന്ന ഡിസൈനാണു വടക്കേക്കോട്ട സ്റ്റേഷനു നൽകുന്നത്. എസ്എൻ ജംക്‌ഷൻ സ്റ്റേഷന് 'ആയുർവേദം' തീമും.

ernakulam-ayurveda-painting
തൃപ്പൂണിത്തുറ എസ്എൻ ജംക്‌ഷൻ മെട്രോ സ്റ്റേഷനില്‍ ‘ആയുർവേദം’ പ്രമേയത്തിന്റെ ഭാഗമായി ഒരുക്കിയ ചിത്രീകരണം.

എസ്എൻ ജംക്‌ഷൻ

ആയുർവേദം എന്ന ഡിസൈനിലാണു എസ്എൻ ജംക്‌ഷൻ സ്റ്റേഷൻ അണിഞ്ഞൊരുങ്ങുക. ധന്വന്തരിയുടെ ചിത്രം, ചരക മഹർഷിയുടെ സൃഷ്ടികൾ, പഞ്ചകർമയുടെ പ്രാധാന്യം വെളിവാക്കുന്ന ചിത്രങ്ങൾ തുടങ്ങിയവ ഉൾപ്പെടുത്തും. ആയുർവേദചര്യ പ്രകാരമുള്ള ജീവിതത്തിന്റെ പ്രാധാന്യം വിവരിക്കും. അഷ്ടാംഗ ആയുർവേദം, ത്രിഫല, തൃകടു, ദശപുഷ്പം, പഞ്ചമഹാഭൂതം, ത്രിദോഷങ്ങൾ തുടങ്ങിയവയുടെ ചിത്രങ്ങളുമുണ്ടാകും.

വടക്കേക്കോട്ട സ്റ്റേഷൻ

ഇന്ത്യൻ സ്വാതന്ത്ര്യത്തിന്റെ 75-ാം വർഷം രാജ്യം ആഘോഷിക്കുന്ന ഘട്ടത്തിലാണു സ്വാതന്ത്ര്യസമരം വടക്കേക്കോട്ട സ്റ്റേഷനിൽ പ്രമേയം ആകുന്നത്. പഴയ എറണാകുളം ഗുഡ്സ് സ്റ്റേഷനിൽ കാലുകുത്തിയ നിമിഷം മുതൽ അവസാന സന്ദർശനം വരെയുള്ള ഗാന്ധിജിയുടെ കൊച്ചി സന്ദർശനങ്ങളുടെ ചിത്രങ്ങൾ ഇവിടെ ഉണ്ടാകും. ക്ഷേത്രപ്രവേശന വിളംബരം, വൈക്കം, ഗുരുവായൂർ സത്യഗ്രഹങ്ങൾ തുടങ്ങിയവ ചിത്രങ്ങളായി മെട്രോ സ്റ്റേഷന്റെ ചുമരുകളിൽ തെളിയും. കേരളത്തിന്റെ സ്വാതന്ത്ര്യ സമരത്തിൽ ചരിത്രത്തിൽ ഇടം നേടിയ പ്രമുഖ വ്യക്തിത്വങ്ങളുടെ ചിത്രങ്ങളുമുണ്ടാകും. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ഇതിലും ചെലവുകുറഞ്ഞ വീടില്ല! | Hometour | Lowcost Home

MORE VIDEOS