പൊളിച്ച മതിലിന്റെ അവശിഷ്ടം കാനയിൽ തള്ളി; വെള്ളക്കെട്ട്
Mail This Article
×
കൈതാരം∙ ദേശീയപാത വികസനത്തിന്റെ ഭാഗമായി പൊളിച്ച മതിലിന്റെ അവശിഷ്ടങ്ങൾ കാനയിൽ തള്ളിയതോടെ കോട്ടുവള്ളി പഞ്ചായത്ത് രണ്ടാം വാർഡിൽ വെള്ളക്കെട്ടു രൂക്ഷം ഘണ്ടാകർണൻവെളി മുതൽ വഴിക്കുളങ്ങര വരെയുള്ള ഭാഗത്തെ മതിലിന്റെ അവശിഷ്ടങ്ങളാണ് കാനയിൽ നിറഞ്ഞത്. മഴവെള്ളം ഒഴുകി പോകാതായതോടെ സമീപത്തെ പല വീടുകളും പറമ്പുകളും വെള്ളക്കെട്ടിലായി. തുണ്ടപ്പറമ്പ്, വടക്കേ ഇരവൂർ ഭാഗത്താണു വെള്ളക്കെട്ടു രൂക്ഷമായത്. പൊളിച്ചിട്ട അവശിഷ്ടങ്ങൾ എത്രയും വേഗം കാനയിൽ നിന്നു നീക്കണമെന്ന് ആവശ്യപ്പെട്ട് പഞ്ചായത്ത് അംഗം എം.എസ്. സതീഷിന്റെ നേതൃത്വത്തിൽ ദേശീയപാത അധികൃതർക്കു പരാതി നൽകി.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.