ADVERTISEMENT

നടുവട്ടം∙ നടുവട്ടത്ത് റോഡിൽ വാട്ടർ അതോറിറ്റി കുഴിച്ച കുഴി അപകടക്കെണിയായി. കഴിഞ്ഞ ദിവസം ഈ കുഴിയിൽ വീണു ബൈക്ക് യാത്രക്കാരൻ മുണ്ടങ്ങാമറ്റം പ്ലാപ്പിള്ളി ദീപുവിൻറെ (38) കൈ ഒടിഞ്ഞു.  നീലീശ്വരം-ചന്ദ്രപ്പുര റോഡിൽ നടുവട്ടം സൂര്യ റോക്ക് പ്രൊഡക്‌ഷനു മുന്നിലാണ് അപകടകരമായ കുഴിയുള്ളത്. പൈപ്പ് ലൈൻ നന്നാക്കുന്നതിനു വേണ്ടിയാണ് വാട്ടർ അതോറിറ്റി ഇവിടെ കുഴിച്ചത്. 

ഈ ഭാഗത്ത് റോഡിൽ ടൈൽ വിരിച്ചിരിക്കുകയാണ്. ടൈൽ ഇളക്കി മാറ്റിയാണ് കുഴിച്ചത്. പണി കഴിഞ്ഞ കുഴിയിൽ മണ്ണിട്ടുവെങ്കിലും പൂർണമായി മൂടിയില്ല. ഇളക്കിയെടുത്ത ടൈൽ തിരിച്ച് ഇട്ടതുമില്ല. ഈ ടൈലുകൾ റോഡരികിൽ തന്നെ വച്ചിട്ടുണ്ട്. 2 ആഴ്ചയോളമായി റോഡ് കുഴിയായി കിടക്കുന്നു. ഇരുചക്ര വാഹന യാത്രക്കാരാണ് ഇതുമൂലം വളരെ കഷ്ടപ്പെടുന്നത്. ഇതിനടുത്തു വേറെ 2 സ്ഥലത്തും വാട്ടർ അതോറിറ്റി കുഴിച്ച കുഴികളുണ്ട്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com