കളമശേരിയിൽ 50 വർഷം പഴക്കമുള്ള പൈപ്പ് പൊട്ടി; ചെന്നൈയിൽ നിന്നു ക്ലാംപെത്തിച്ചു ചോർച്ച അടച്ചു
Mail This Article
×
കളമശേരി∙ ടിവിഎസ് ജംക്ഷനിൽ പൊട്ടിയ പൈപ്പിലെ ചോർച്ച ചെന്നൈയിൽ നിന്നു ഉരുക്കിന്റെ ക്ലാംപ് എത്തിച്ച് അടച്ചു. കളമശേരി പമ്പ് ഹൗസിൽ നിന്നു കുസാറ്റിലേക്ക് 50 വർഷം മുൻപ് സ്ഥാപിച്ച 175 എംഎം കാസ്റ്റ് അയേൺ പൈപ്പാണ് മണ്ണിനടിയിൽ 3 മീറ്ററോളം ആഴത്തിൽ വട്ടം പൊട്ടിയത്.
ചോർച്ച അടയ്ക്കുന്നതിനു ഞായറാഴ്ച യന്ത്രസഹായത്തോടെ കുഴിയെടുത്തെങ്കിലും പാകത്തിനുള്ള ക്ലാംപ് ലഭിക്കാത്തതിനാൽ കുഴി മണ്ണിട്ടു മൂടി. 7,500 രൂപ വിലയുള്ള ക്ലാംപ് ഇന്നലെ രാവിലെയാണു ചെന്നൈയിൽ നിന്ന് എത്തിച്ചത്. തുടർന്ന് വീണ്ടും കുഴിയെടുത്തു ക്ലാംപ് ഉപയോഗിച്ചു ചോർച്ച അടച്ചു. കുഴി മെറ്റലും മണലും നിറച്ചു മൂടുകയും ചെയ്തു. ഇത് ഉറച്ച ശേഷം കോൺക്രീറ്റ് ചെയ്ത് റോഡ് ബലപ്പെടുത്തുമെന്നും വാട്ടർ അതോറിറ്റി അധികൃതർ അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.