ചോറ്റാനിക്കര കീഴ്ക്കാവ് കുളത്തിന്റെ ഭിത്തി തകർന്നു

ചോറ്റാനിക്കര ∙ ദേവീക്ഷേത്രത്തിലെ കീഴ്ക്കാവ് കുളത്തിന്റെ സംരക്ഷണ ഭിത്തി ഇടിഞ്ഞു. ഇന്നലെ രാവിലെ 7.15 നാണു കീഴ്ക്കാവ് നടപ്പന്തലിനോടു ചേർന്നു കൈവരിയടക്കം കുളത്തിന്റെ ഒരു വശത്തെ ഭിത്തി പൂർണമായും ഇടിഞ്ഞത്. ഭക്തരുടെ തിരക്ക് ഇല്ലാതിരുന്നതിനാലും മുൻകരുതൽ എടുത്തതിനാലും ആളപായമില്ല.പതിറ്റാണ്ടുകൾക്കു മുൻപു ചെങ്കല്ല് ഉപയോഗിച്ചു കെട്ടിയ കുളത്തിന്റെ സംരക്ഷണഭിത്തിയിൽ കഴിഞ്ഞ ദിവസം ചെറിയ തോതിൽ മണ്ണ് ഇടിഞ്ഞിരുന്നു.   ഇതിനാൽ ഈ ഭാഗത്തു കയറു കെട്ടി അധികൃതർ നിയന്ത്രണം ഏർപ്പെടുത്തിയിരുന്നു.