എറണാകുളം ജില്ലയിൽ ഇന്ന് (01-10-2022); അറിയാൻ, ഓർക്കാൻ
Mail This Article
ബിഎസ്സി കംപ്യൂട്ടർ സയൻസ്
പുത്തൻവേലിക്കര ∙ ഐഎച്ച്ആർഡി കോളജിൽ ബിഎസ്സി കംപ്യൂട്ടർ സയൻസ് കോഴ്സിൽ സീറ്റ് ഒഴിവ്. എസ്സി, എസ്ടി, ഒഇസി വിദ്യാർഥികൾക്കു ഫീസ് ആനുകൂല്യം ലഭിക്കും. 0484 – 2980324.
അധ്യാപക ഒഴിവ്
സംസ്കൃത സർവകലാശാല
കാലടി∙ ശ്രീശങ്കരാചാര്യ സംസ്കൃത സർവകലാശാലയിൽ കായിക വിദ്യാഭ്യാസ വിഭാഗത്തിൽ അധ്യാപക ഒഴിവ്. 55 ശതമാനം മാർക്കിൽ കുറയാതെ കായിക വിദ്യാഭ്യാസത്തിൽ ബിരുദാനന്തര ബിരുദം (എംപിഇഎസ്, എംപിഎഡ്) നേടിയവർക്ക് അപേക്ഷിക്കാം. യുജിസി-നെറ്റ്/പിഎച്ച്ഡി അഭിലഷണീയ യോഗ്യതയാണ്. പ്രായം: 40നു താഴെ. ഒക്ടോബർ 6നു 11ന് കാലടി മുഖ്യകേന്ദ്രത്തിൽ കൂടിക്കാഴ്ച.
ഐഎച്ച്ആർഡി കോളജ്
പുത്തൻവേലിക്കര ∙ ഐഎച്ച്ആർഡി കോളജിൽ കംപ്യൂട്ടർ സയൻസ് അധ്യാപക ഒഴിവ്. കൂടിക്കാഴ്ച 7നു 10.30ന്. 0484 – 2487790
അപേക്ഷ ക്ഷണിച്ചു
പറവൂർ ∙ കേന്ദ്ര സർക്കാരിന്റെ സ്കിൽ ഡവലപ്മെന്റ് മിനിസ്ട്രിയുടെ കീഴിൽ പ്രവർത്തിക്കുന്ന ജൻ ശിക്ഷൺ സൻസ്ഥാന് അംഗീകാരം ലഭിച്ചിരിക്കുന്ന ഫ്രൂട്ട് ആൻഡ് വെജിറ്റബിൾ പ്രിസർവേഷൻ, കംപ്യൂട്ടർ ഓപ്പറേറ്റർ, ബ്യൂട്ടികെയർ അസിസ്റ്റന്റ്, ഡൊമസ്റ്റിക് കെയർ അറ്റൻഡന്റ് തുടങ്ങി രണ്ടര മുതൽ 5 മാസം വരെയുള്ള സർട്ടിഫിക്കറ്റ് കോഴ്സുകൾ നടത്താൻ താൽപര്യമുള്ള ജില്ലയിലെ സ്ഥാപനങ്ങൾ, സംഘടനകൾ എന്നിവയിൽ നിന്ന് അപേക്ഷ ക്ഷണിച്ചു. ഒക്ടോബർ ഏഴിനകം അപേക്ഷിക്കണം. 94460 72450.