മാലിന്യം കത്തിച്ചു; പിഴ 50,000 രൂപ: സമീപവാസികൾ പരാതിപ്പെട്ടത് ദുർഗന്ധവും പുകയും വ്യാപിച്ചപ്പോൾ

കുറുപ്പംപടി ∙ രായമംഗലം പഞ്ചായത്തിലെ മലമുറിയിൽ അനധികൃതമായി മാലിന്യം തള്ളി കത്തിച്ചു പൊതുജനങ്ങൾക്ക് ബുദ്ധിമുട്ട് ഉണ്ടാക്കിയ വ്യക്തികളിൽ നിന്ന് 50,000 രൂപ പിഴ അടപ്പിച്ചു.

ആലപ്പുഴ ജില്ലയിലെ പ്രമുഖ ഫിഷ് എക്സ്പോർട്ടിങ് കമ്പനിയുടെ മാലിന്യങ്ങൾ സംസ്കരിക്കുന്നതിനു കരാർ എടുത്ത വ്യക്തികളാണു മാലിന്യം തള്ളി തീയിട്ടത്.

ദുർഗന്ധവും പുകയും സമീപ പ്രദേശത്തു വ്യാപിച്ചപ്പോൾ സമീപവാസികൾ പരാതിപ്പെടുകയായിരുന്നു. പഞ്ചായത്ത്‌ പ്രസിഡന്റ്‌ എൻ.പി.അജയകുമാർ, വൈസ് പ്രസിഡന്റ്‌ ദീപ ജോയി എന്നിവർ സ്ഥലത്തെത്തി അഗ്നിരക്ഷാസേനയെ അറിയിച്ച് തീ അണയ്ക്കുകയായിരുന്നു.