വിമാനത്താവളത്തിൽ സ്വർണ മിശ്രിതം പിടികൂടി
Mail This Article
×
നെടുമ്പാശേരി ∙ രണ്ടു യാത്രക്കാരിൽ നിന്നായി 94 ലക്ഷം രൂപയുടെ സ്വർണ മിശ്രിതം വിമാനത്താവളത്തിൽ കസ്റ്റംസ് എയർ ഇന്റലിജൻസ് യൂണിറ്റ് പിടികൂടി. 2220 ഗ്രാം സ്വർണ മിശ്രിതമാണ് ഇരുവരിൽ നിന്നുമായി പിടികൂടിയത്.
എയർ ഇന്ത്യ എക്സ്പ്രസ് വിമാനത്തിൽ ദുബായിൽ നിന്നെത്തിയ ആലപ്പുഴ സ്വദേശി ഷിഹാബ് 1156 ഗ്രാം സ്വർണ മിശ്രിതം 4 ക്യാപ്സൂളുകളുടെ രൂപത്തിലാക്കി ശരീരത്തിനുള്ളിൽ ഒളിപ്പിച്ചിരിക്കുകയായിരുന്നു.
ഇൻഡിഗോ വിമാനത്തിൽ കുവൈത്തിൽ നിന്നെത്തിയ കോഴിക്കോട് കൊടുവള്ളി സ്വദേശി ജംസുദീൻ 1064 ഗ്രാം സ്വർണം 4 ക്യാപ്സൂളുകളാക്കി ശരീരത്തിനുള്ളിൽ ഒളിപ്പിച്ചിരിക്കുകയായിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.