വീണ്ടും; ഓടിക്കൊണ്ടിരുന്ന കാറിനു തീപിടിച്ചു

കുറുപ്പംപടി (കൊച്ചി) ∙ ഓടിക്കൊണ്ടിരുന്ന കാറിനു തീപിടിച്ചു. അപകടം മനസ്സിലാക്കി കാർ നിർത്തി വേഗം പുറത്തിറങ്ങിയതിനാൽ ഡ്രൈവർ പരുക്കേൽക്കാതെ രക്ഷപ്പെട്ടു. കീഴില്ലം–കുറിച്ചിലക്കോട് റോഡിൽ അകനാട് മാവിൻചുവട്ടിലാണ് ഇന്നലെ വൈകിട്ട് 5നായിരുന്നു സംഭവം. പെട്രോൾ ചോർച്ചയെ തുടർന്നു തീപടരുന്നതു കണ്ടപ്പോൾ കാർ ഒതുക്കി നിർത്തി പുറത്തിറങ്ങി. ഉടൻ തീപടർന്നു. ഫയർ ഫോഴ്സ് എത്തിയാണു തീ അണച്ചത്. ചുണ്ടക്കുഴി തടിക്കുളങ്ങര എൽദോസിന്റെ കാറാണ്. അദ്ദേഹമാണ് കാർ ഓടിച്ചിരുന്നത്.