സലിംകുമാർ ഫെയ്സ്ബുക്കിൽ കുറിച്ചു; ഇന്നസന്റ്ദൂരെ എവിടെയോ ഷൂട്ടിന് പോയ‌ി

കൊച്ചി∙ ഇന്നസന്റ് മരിച്ചിട്ടില്ല; ദൂരെ എവിടെയോ ഒരു ഷൂട്ടിന് പോയതാണ്" - സലിം കുമാർ പ്രിയസുഹൃത്ത് ഇന്നസന്റിനെയോർത്ത് എഴുതിയ കുറിപ്പ് ഇങ്ങനെ.'ഇന്നസന്റ് ചേട്ടന് ഞാൻ ആദരാഞ്ജലികൾ അർപ്പിക്കുന്നില്ല, മരിച്ചു പോയി എന്നും ഞാൻ വിശ്വസിക്കുന്നില്ല.

അദ്ദേഹം ദൂരെ എവിടെയോ, നമുക്കൊന്നും കാണാൻ പറ്റാത്ത ഒരു ലൊക്കേഷനിൽ ഷൂട്ടിങ്ങിന് പോയതാണ് എന്ന് ഞാൻ വിശ്വസിക്കുന്നു. ഞാനുമുണ്ട് ആ സിനിമയിൽ. പക്ഷേ എന്റെ ഡേറ്റ് ഇതുവരെ ആയിട്ടില്ല, ആവും, ആവാതിരിക്കാൻ പറ്റില്ലലോ.

എന്നാലും മാസത്തിൽ രണ്ടു തവണയെങ്കിലും എന്റെ ഫോണിൽ തെളിഞ്ഞു വരാറുള്ള ഇന്നസന്റ് എന്ന പേര് ഇനി മുതൽ വരില്ല എന്നോർക്കുമ്പോൾ.........സലിം കുമാർ ഫെയ്സ്ബുക്കിൽ കുറിച്ചു.