ഉടുമ്പ് ഈച്ചമുക്കിലെ പ്ലേ സ്കൂളിലെത്തി; കുടുങ്ങി

കാക്കനാട്∙ ഈച്ചമുക്കിലെ പ്ലേ സ്കൂളിൽ നിന്ന് പിടികൂടിയ ഉടുമ്പിനെ കുറ്റിക്കാട്ടിൽ തുറന്നു വിട്ടു. ഇന്നലെ വൈകിട്ട് നാലിനാണ് കെട്ടിടത്തിനകത്ത് ഉടുമ്പിനെ കണ്ടത്. സ്കൂൾ അധികൃതർ അറിയിച്ചതിനെ തുടർന്ന് മൃഗ പരിപാലകനായ അംബ്രോസ് തുതിയൂരും സഹായി റിജോ ജേക്കബും സ്ഥലത്തെത്തി ഉടുമ്പിനെ പിടികൂടുകയായിരുന്നു. വനം വകുപ്പിനെ അറിയിച്ചപ്പോൾ കാടുള്ളിടത്തു തുറന്നു വിടാൻ നിർദേശിച്ചു. ഇതേ തുടർന്നു സമീപത്തെ പൊയ്യച്ചിറയോടു ചേർന്നുള്ള കുറ്റിക്കാട്ടിൽ ഉടുമ്പിനെ തുറന്നു വിട്ടു.