ആലുവ∙ പെരിയാറിലെ ദേശം കടവിൽ നീന്തൽ വിദഗ്ധൻ സജി വാളശേരിയുടെ നേതൃത്വത്തിൽ സൗജന്യ നീന്തൽ പരിശീലനം തുടങ്ങി. 2024 മേയ് 31ന് അവസാനിക്കും. നഗരസഭാധ്യക്ഷൻ എം.ഒ. ജോൺ ഫ്ലാഗ്ഓഫ് ചെയ്തു. സ്ഥിരസമിതി അധ്യക്ഷൻ ലത്തീഫ് പൂഴിത്തറ പ്രസംഗിച്ചു. 14 വർഷം മുൻപാണു വാളശേരിൽ റിവർ സ്വിമ്മിങ് ക്ലബ്ബിന്റെ നേതൃത്വത്തിൽ നീന്തൽ പരിശീലനം ആരംഭിച്ചത്. ഇതിനകം കുട്ടികളും മുതിർന്നവരും അടക്കം 8,000 പേർ നീന്തൽ പഠിച്ചു. ഇവരിൽ രണ്ടായിരത്തോളം പേർ പുഴ ഒറ്റയ്ക്കു നീന്തിക്കടന്നു. 3 മുതൽ 80 വരെ പ്രായം ഉള്ളവരെ ഇവിടെ നീന്തൽ പരിശീലിപ്പിക്കും. ശാരീരിക പരിമിതികൾ തടസ്സമല്ല. 94464 21279.