കോതമംഗലം∙ കോടതിയിൽ സാക്ഷി പറഞ്ഞതിലുള്ള വിരോധത്തിൽ യുവാവിനെ ആക്രമിച്ച കേസിൽ 3 പേർ പിടിയിൽ. രാമല്ലൂർ പൂവത്തൂർ ടോണി (31), തടത്തിക്കവല പാടശേരി ആനന്ദ് (26), ഇരമല്ലൂർ പൂവത്തൂർ അഖിൽ (23) എന്നിവരെയാണ് അറസ്റ്റ് ചെയ്തത്.  ബുധൻ രാത്രി 7നു വാളാടിത്തണ്ട് ഭാഗത്തുവച്ച് ജോസ് പീറ്റർ എന്നയാൾക്കാണു മർദനമേറ്റത്. തലയ്ക്കും മൂക്കിനും സാരമായി പരുക്കേറ്റ ജോസ് പീറ്റർ താലൂക്ക് ആശുപത്രിയിൽ ചികിത്സയിലാണ്. നേരത്തേയുണ്ടായ ആക്രമണക്കേസിൽ പ്രതികൾക്കെതിരെ സാക്ഷി പറഞ്ഞതിനുള്ള വിരോധത്താൽ മർദിക്കുകയായിരുന്നെന്നു പൊലീസ് പറഞ്ഞു. കോടതി പ്രതികളെ റിമാൻഡ് ചെയ്തു. ഇൻസ്പെക്ടർ പി.ടി.ബിജോയിയുടെ നേതൃത്വത്തിലായിരുന്നു കേസ് അന്വേഷണം.