തേവര - കുണ്ടന്നൂർ പാലം അറ്റകുറ്റപ്പണി മഴ മൂലം വെള്ളിയാഴ്ച്ചയിലേക്ക് മാറ്റി

കൊച്ചി ∙ തേവര - കുണ്ടന്നൂർ പാലം അറ്റകുറ്റപ്പണി മഴ മൂലം വെള്ളിയാഴ്ച്ചയിലേക്ക് മാറ്റി. ചൊവ്വാഴ്ച രാത്രി മുതൽ 2 ദിവസത്തേക്ക് പാലം അടച്ചിട്ട് അറ്റകുറ്റപ്പണി നടത്താനായിരുന്നു തീരുമാനിച്ചിരുന്നത്. എന്നാൽ കനത്ത മഴ തുടരുന്ന സാഹചര്യത്തിൽ പണി ആരംഭിക്കുവാൻ ബുദ്ധിമുട്ടായിരിക്കുമെന്ന് ദേശീയപാത അധികൃതർ ആശങ്ക പ്രകടിപ്പിച്ചിരുന്നു. കാലാവസ്ഥ അനുകൂലമാണെങ്കിൽ വെള്ളിയാഴ്ച്ച രാത്രി 11 മണി മുതൽ ഗതാഗതം പൂർണ്ണമായും നിർത്തി ശനി, ഞായർ ദിവസങ്ങളിലായി അറ്റകുറ്റപ്പണി പൂർത്തീകരിക്കും.