മരം കടപുഴകി റോഡിൽ വീണു

ആലങ്ങാട് ∙ ശക്തമായ കാറ്റിലും മഴയിലും റോഡിലേക്കു മരം കടപുഴകി വീണു നാശം. ചൊവ്വാഴ്ച രാത്രി പത്തരയോടെയാണു സംഭവം. ആനച്ചാൽ– വഴിക്കുളങ്ങര ബൈപാസ് റോഡിൽ അത്താണി കവലയിലാണു റോഡിനു കുറുകെ മരം വീണത്. റോഡരികിൽ നിന്നിരുന്ന കൂറ്റൻ മരമാണു കടപുഴകി വീണത്. വൈദ്യുതി ലൈനുകൾ ഉൾപ്പെടെ പൊട്ടി റോഡിൽ വീണതോടെ ഇതുവഴിയുള്ള ഗതാഗതം തടസ്സപ്പെട്ടു. കൂടാതെ 2 മണിക്കൂറോളം പ്രദേശത്തു വൈദ്യുതി ബന്ധം നിലച്ചു. പറവൂരിൽ നിന്ന് അഗ്നിരക്ഷാസേന എത്തിയാണു മരം മുറിച്ചു നീക്കിയത്.  കെഎസ്ഇബി ഉദ്യോഗസ്ഥരെത്തി വൈദ്യുതിബന്ധം പുനഃസ്ഥാപിച്ചു.