കൂത്താട്ടുകുളം അശ്വതി കവലയിൽ പാർക്ക് ചെയ്തിരുന്ന ഓട്ടോറിക്ഷയ്ക്ക് തീപിടിച്ചു

കൂത്താട്ടുകുളം∙ അശ്വതി കവലയിൽ പാർക്ക് ചെയ്തിരുന്ന ഓട്ടോറിക്ഷയ്ക്ക് തീപിടിച്ചു. കൂത്താട്ടുകുളം കുറങ്ങഴം പുത്തൻ പുരയ്ക്കൽ കന്തസാമിയുടെ ഓട്ടോറിക്ഷയാണ് കത്തിയത്. ചൊവ്വ രാത്രി എട്ടരയോടെയാണ് സംഭവം. ഓട്ടോയുടെ എൻജിൻ ഭാഗത്തു നിന്നു തീ പടരുന്നത് കണ്ട വഴിയാത്രക്കാരനാണ് അഗ്നിരക്ഷാ നിലയത്തിൽ വിവരം അറിയിച്ചത്. സ്റ്റേഷൻ ഓഫിസർ ജെ. രാജേന്ദ്രൻ നായരുടെ നേതൃത്വത്തിൽ സേനയെത്തി തീയണച്ചു. ഷോർട്ട് സർക്യൂട്ടാണ് തീ പടരാൻ കാരണം എന്നാണ് നിഗമനം.