ഗ്യാസ് സിലിണ്ടർ പൊട്ടിത്തെറിച്ച് വീട് തകർന്നു

വാഗമൺ ∙ ഗ്യാസ് സിലിണ്ടർ പൊട്ടിത്തെറിച്ച് വീട് പൂർണമായും തകർന്നു. ഈ സമയം കുടുംബാംഗങ്ങൾ വീടിനുള്ളിൽ ഇല്ലാതിരുന്നതിനാൽ    വൻ ദുരന്തം ഒഴിവായി. വാഗമൺ പാറക്കെട്ടിൽ കലൈപാണ്ടിയുടെ വീട്ടിലാണ് ഞായറാഴ്ച രാത്രി ഗ്യാസ് സിലിണ്ടർ പൊട്ടിത്തെറിച്ചത്. വീട്ടു ഉപകരണങ്ങളും വസ്ത്രങ്ങളും കത്തി നശിച്ചു. അയൽവാസികൾ ഓടിയെത്തി രക്ഷാ പ്രവർത്തനം നടത്തിയ ശേഷമാണ് തീ നിയന്ത്രണവിധേയമായത്.