ഇടുക്കി ജില്ലയിൽ 246 പേർക്കു കൂടി കോവിഡ്
Mail This Article
തൊടുപുഴ∙ ജില്ലയിൽ 246 പേർക്കു കൂടി കോവിഡ് സ്ഥിരീകരിച്ചു. 233 പേർ സമ്പർക്കത്തിലൂടെയാണു കോവിഡ് പോസിറ്റീവായത്. 8 പേരുടെ രോഗ ഉറവിടം വ്യക്തമല്ല. ഒരു ആരോഗ്യ പ്രവർത്തകനും മറ്റു സംസ്ഥാനങ്ങളിൽ നിന്നെത്തിയ 4 പേർക്കും ജില്ലയിൽ ഇന്നലെ കോവിഡ് സ്ഥിരീകരിച്ചിട്ടുണ്ട്. ഇന്നലെ 452 പേർ രോഗമുക്തി നേടി എന്നതു കോവിഡ് വ്യാപനത്തിനിടയിലും ജില്ലയ്ക്കു നേരിയ ആശ്വാസമാകുന്നു.
ജില്ലയിൽ ഇന്നലെ കോവിഡ് വാക്സിനേഷനു വിധേയരായതു 729 പേർ. ഇന്നലെ 900 പേർക്കു കുത്തിവയ്പ്പെടുക്കാനാണു ലക്ഷ്യമിട്ടിരുന്നതെങ്കിലും 171 പേർ വിവിധ കാരണങ്ങളാൽ എത്തിയില്ലെന്നു അധികൃതർ പറഞ്ഞു. കുത്തിവയ്പിനു ഹാജരാകാൻ മൊബൈൽ ഫോണിൽ സന്ദേശം ലഭിക്കുന്നവരിൽ ചുരുക്കം ചിലർ മതിയായ കാരണമില്ലാതെ എത്താതിരിക്കുന്നതായും സൂചനയുണ്ട്.
ജില്ലയിൽ കുത്തിവയ്പ് എടുത്ത ആർക്കും ഇതുവരെ കാര്യമായ ആരോഗ്യ പ്രശ്നങ്ങൾ റിപ്പോർട്ട് ചെയ്തിട്ടില്ല. ഇതുവരെ 2753 ആരോഗ്യ പ്രവർത്തകരാണ് ജില്ലയിൽ വാക്സീൻ സ്വീകരിച്ചത്.