നിയന്ത്രണംവിട്ട ലോറി രാത്രി 300 അടി താഴ്ചയിൽ കൊക്കയിൽ വീണു, രക്ഷാപ്രവർത്തനങ്ങൾ...

അടിമാലി∙ കൊച്ചി – ധനുഷ്കോടി ദേശീയപാതയിൽ വാളറക്കുത്തിനും ചീയപ്പാറയ്ക്കും ഇടയിൽ ടോറസ് ലോറി നിയന്ത്രണം വിട്ട് കൊക്കയിലേക്കു പതിച്ചു. രാത്രി എട്ടിനാണു സംഭവം. അടിമാലിയിൽ നിന്നു കോതമംഗലത്തേക്കു പോകുകയായിരുന്ന ടോറസ് 300 അടി താഴ്ചയിൽ കൊക്കയിലേക്കു പതിക്കുകയായിരുന്നു. ഒട്ടേറെ തവണ മറിഞ്ഞ ശേഷം വാഹനം ദേവിയാറിന്റെ കരയിൽ പതിച്ചു.

വാഹനത്തിൽ രണ്ടു പേർ ഉണ്ടെന്നാണ് പ്രാഥമിക നിഗമനം. ഹൈവേ പൊലീസും നാട്ടുകാരും വനപാലകരും ചേർന്ന് രാത്രി വൈകിയും രക്ഷാപ്രവർത്തനങ്ങൾ നടത്തുകയാണ്. വനമേഖലയായതിനാലും റോഡിൽ നിന്നു വളരെ അകലെയായതിനാലും രക്ഷാപ്രവർത്തനം പ്രതിസന്ധിയിലാണ്.