മഴയ്ക്കൊപ്പം മഞ്ഞും; ഗാട്ട് റോഡുകളിലെ യാത്ര ദുഷ്കരം

കുട്ടിക്കാനം ∙ കനത്ത മഴയ്ക്കൊപ്പം കോടമഞ്ഞു കൂടി പൊതിഞ്ഞതിനെ തുടർന്ന് ഹൈറേഞ്ചിലെ ഗാട്ട് റോഡുകളിലൂടെയുള്ള യാത്ര ദുഷ്ക‌രമായി. കുട്ടിക്കാനം – മുണ്ടക്കയം, കുട്ടിക്കാനം – ഏലപ്പാറ, വാഗമൺ – ഏലപ്പാറ റൂട്ടുകളിലാണ് പ്രതികൂല കാലാവസ്ഥ മൂലം വാഹനയാത്ര വെല്ലുവിളിയായി മാറിയിരിക്കുന്നത്.

മഞ്ഞു മൂടി കിടക്കുന്നതിനാൽ ചെറു വാഹനങ്ങളുടെ ഉടമകൾ, ഡ്രൈവർമാർ എന്നിവർ പകൽ പോലും ബുദ്ധിമുട്ടുകയാണ്. റോഡിൽ വെള്ള വരയില്ലാത്ത പ്രദേശങ്ങളിൽ കൂടി കടന്നു പോകാൻ കഴിയുന്നില്ല. വാഹനങ്ങൾ നിർത്തിയിട്ട ശേഷം ബസ് ഉൾപ്പെടെ വലിയ വാഹനങ്ങൾ വരുന്നതു കാത്തുനിൽക്കും. തുടർന്ന് ഇവയ്ക്കു പിന്നാലെയാണ് ഇപ്പോൾ ചെറിയ വാഹനങ്ങൾ കടന്നുപോകുന്നത്.