തടി കയറ്റി വന്ന ലോറി ചരിഞ്ഞു; തടി ഹോട്ടലിന്റെ മുകളിൽ വീണു

മറയൂർ ∙ കാന്തല്ലൂരിൽ നിന്നു തടി കയറ്റി വന്ന ലോറി മറയൂർ ഗവ. ഹൈസ്കൂളിനു സമീപം ചരിഞ്ഞ് തടികൾ റോഡ് വശത്തേക്ക് വീണു. ഇന്നലെ വൈകിട്ട് ഏഴിനായിരുന്നു സംഭവം. തടിക്കഷണങ്ങൾ റോഡിന്റെ താഴ് വശത്ത് ഹോട്ടലിന്റെ മുകളിലാണ് വീണത്.  ഈ സമയത്ത് ഹോട്ടലിൽ ആൾ ഇല്ലാത്തതിനാൽ അപകടം ഒഴിവായി.  മറയൂർ–കാന്തല്ലൂർ റോഡ് അറ്റകുറ്റപ്പണി നടത്താനുള്ള പ്രാരംഭഘട്ടം ജോലികൾ നടന്നു വരുന്നുണ്ടെങ്കിലും ഇനിയും തുടങ്ങാത്തതിനാൽ റോഡുകളിലെ വൻകുഴികളാണ്  ഭാരവാഹനങ്ങൾക്ക് വിനയാകുന്നത്.