ഒപി അവധി : കട്ടപ്പന∙ റിപ്പബ്ലിക് ദിനം പ്രമാണിച്ച് സെന്റ് ജോൺസ് ആശുപത്രിയുടെ ഒപി വിഭാഗം ഇന്ന് അവധിയായിരിക്കും.

അധ്യാപക ഒഴിവ്

മൂലമറ്റം∙ ഗവൺമെന്റ് ഹൈസ്‌കൂൾ എച്ച്എസ്ടി കണക്ക് വിഭാഗത്തിൽ താൽക്കാലിക ഒഴിവുണ്ട്. 30നു 10.30നു ഇന്റർവ്യൂ നടക്കും. ഉദ്യോഗാർഥികൾ യോഗ്യത തെളിയിക്കുന്ന സർട്ടിഫിക്കറ്റും കോപ്പിയുമായി  ഹാജരാകണം.

ജോബ് ഫെയർ 28ന്

മുരിക്കാശേരി ∙ പാവനാത്മാ കോളജിൽ 28 നു ജില്ലാ എംപ്ലോയ്മെന്റ് എക്സ്ചേഞ്ചിന്റെ നേതൃത്വത്തിൽ നടക്കുന്ന ജോബ് ഫെയർ – 2023 ന്റെ ഒരുക്കങ്ങൾ പൂർത്തിയായതായി പ്രിൻസിപ്പൽ അറിയിച്ചു. രാവിലെ 9.30 നു കോളജ് സെമിനാർ ഹാളിൽ നടക്കുന്ന ജോബ് ഫെയർ – 2023 മന്ത്രി റോഷി അഗസ്റ്റിൻ ഉദ്ഘാടനം ചെയ്യും.

സെയിൽസ്, മാർക്കറ്റിങ്, ബാങ്കിങ്, ആരോഗ്യം, വിദ്യാഭ്യാസം, ഓട്ടോ മൊബൈൽ തുടങ്ങി എഴുനൂറിലധികം ഒഴിവുകളിലേക്ക് ഇരുപതോളം പ്രമുഖ സ്ഥാപനങ്ങൾ ഉദ്യോഗാർഥികളെ ഇന്റർവ്യൂ നടത്തും.

കോഴ്സ്

പൈനാവ്∙ ഐഎച്ച്ആർഡിയുടെ പൈനാവ് മോഡൽ പോളിടെക്നിക് കോളജിൽ ഈ മാസം ആരംഭിക്കുന്ന ഇ-വേസ്റ്റ് മാനേജ്മെൻറ് ആൻഡ് കംപ്യൂട്ടർ ഹാർഡ്‌വെയർ അസിസ്റ്റന്റ് എന്ന കോഴ്സിലേക്ക്  അപേക്ഷ ക്ഷണിക്കുന്നു. 18 നും 45 നും ഇടയിൽ പ്രായമുള്ള യുവതി യുവാക്കൾക്ക് അപേക്ഷിക്കാം. ഐടിഐ ഇലക്ട്രോണിക്സ് അല്ലെങ്കിൽ പത്താം ക്ലാസ് വിജയവും കംപ്യൂട്ടർ/ ഇലക്ട്രോണിക്സ്  മേഖലയുമായി ബന്ധപ്പെട്ട യോഗ്യതയോ പ്രായോഗിക പരിചയമോ ഉള്ളവർക്കും അപേക്ഷിക്കാം.

ഒരു മാസം നീണ്ടുനിൽക്കുന്ന പരിപാടിയിൽ സ്വന്തമായി സംരംഭം തുടങ്ങാൻ ആഗ്രഹിക്കുന്നവർക്ക് മുൻഗണന. 25 സീറ്റുകളാണ് ഉള്ളത്.  40% സീറ്റ് എസ്‌സി/എസ്ടി വിഭാഗത്തിന് സംവരണം ചെയ്തിരിക്കുന്നു. ഇ-മെയിൽ:- mptpainavu.ihrd@gmail.com. കൂടുതൽ വിവരങ്ങൾക്ക് ജില്ലാ സ്കിൽ കോഓർഡിനേറ്റർ 8592022365, 04862 297617 എന്നീ നമ്പറുകളിലോ വിളിക്കുക.