വൈദികനെന്ന് വിശ്വസിപ്പിച്ച് തട്ടിപ്പ്: 2 പേർ കൂടി പിടിയിൽ

അടിമാലി ∙ വൈദികനെന്നു വിശ്വസിപ്പിച്ച് തിരുവനന്തപുരത്തെ ഹോട്ടൽ വ്യവസായിയിൽ നിന്ന് 35 ലക്ഷം രൂപ തട്ടിയ കേസിൽ 2 പേർകൂടി അറസ്റ്റിൽ. പൈങ്ങോട്ടൂർ പനങ്കര തിരുനിലത്ത് രാജേഷ് (45), അരിക്കുഴ മൂഴിക്കൽ രഞ്ജിത് (39) എന്നിവരാണു പിടിയിലായത്. വൈദികനായി വേഷം കെട്ടിയ അരിക്കുഴ ലക്ഷ്മി ഭവനിൽ അനിൽ വി.കൈമൾ, കപ്യാരായി ചമഞ്ഞ ആനച്ചാൽ പാറയ്ക്കൽ ഷിഹാബ് എന്നിവരെ നേരത്തേ പിടികൂടിയിരുന്നു.

അനിലിന്റെ ഡ്രൈവറാണു രാജേഷ്. അനിലിന്റെ സുഹൃത്താണ് രഞ്ജിത്. ഇവരിൽ നിന്ന് 4 ലക്ഷത്തോളം രൂപ കണ്ടെടുത്തിട്ടുണ്ട്. ഡിവൈഎസ്പി ബിനു ശ്രീധറിന്റെ നേതൃത്വത്തിലാണ് അറസ്റ്റ്.