മൂലമറ്റം∙ ബുധനാഴ്ച വൈകിട്ടുണ്ടായ ശക്തമായ മലവെള്ളപ്പാച്ചിലിൽ ജലന്തർ സിറ്റി വലിയപറമ്പിൽ മേഴ്സി ബിനുവിന്റെ വീടിന്റെ സംരക്ഷണഭിത്തി തകർന്ന് വീട് അപകടാവസ്ഥയിലായി. ജലന്തർ സിറ്റി തോടിനു സമീപത്താണ് മേഴ്‌സിയുടെ വീട്. കഴിഞ്ഞ വർഷം മലവെള്ളപ്പാച്ചിലിൽ വീടിനു സമീപത്തുകൂടി വെള്ളം കയറി ഒഴുകി വീട് അപകടാവസ്ഥയിലായതാണ്.
ഇവിടെയുണ്ടായിരുന്ന തോടിന്റെ സംരക്ഷണഭിത്തി കഴിഞ്ഞ വർഷത്തെ മലവെള്ളപ്പാച്ചിലിൽ തകർന്നുപോയി. അപകടാവസ്ഥയിലായ ജലന്തർ സിറ്റിയിലെ വീടുകൾക്ക് സംരക്ഷണത്തിനായി പ്രദേശത്ത് സംരക്ഷണഭിത്തി നിർമിക്കണമെന്നാണ് നാട്ടുകാരുടെ ആവശ്യം.
