കുമളി∙ നിരോധിത പുകയില ഉൽപന്നങ്ങൾ വിൽപന നടത്തിയിരുന്ന ചായക്കട കുമളി പൊലീസ് അടപ്പിച്ചു. തേക്കടി റോഡിൽ കല്ലറയ്ക്കൽ ഗ്രൗണ്ടിന് സമീപമുള്ള ചെന്നൈ കോഫി ഷോപ്പ് എന്ന സ്ഥാപനമാണ് അടപ്പിച്ചത്. ഇവിടെ നടത്തിയ പരിശോധനയിൽ 165 പാക്കറ്റുകളാണ് കണ്ടെടുത്തത്. പീരുമേട് ഡിവൈഎസ്പി ജെ.കുര്യാക്കോസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ കുമളി സിഐ ജോബിൻ ആന്റണിയുടെ നേതൃത്വത്തിലായിരുന്നു റെയ്ഡ്.