മൂന്നാർ∙ തലയാർ ഗവ.എൽപി സ്കൂളിലെ കുഞ്ഞുങ്ങളുടെ യാത്രാദുരിതത്തിനു പരിഹാരമാകുന്നു. സ്കൂളിലേക്കുള്ള തകർന്ന തടിപ്പാലത്തിനു പകരം പുതിയ കോൺക്രീറ്റ് പാലത്തിന്റെ നിർമാണം ആരംഭിച്ചു. പഞ്ചായത്തിന്റെ രണ്ടര     ലക്ഷം രൂപ ചെലവിട്ടാണ് പുതിയ നടപ്പാലം നിർമിക്കുന്നത്. തോട്ടം മേഖലയിലെ പിഞ്ചുകുട്ടികൾ തകർന്ന തടിപ്പാലം ചാടിക്കടന്ന് സ്കൂളിലേക്കു പോകുന്നതു സംബന്ധിച്ച് മനോരമ വാർത്ത നൽകിയിരുന്നു. വാർത്ത പ്രസിദ്ധീകരിച്ചതിനെ തുടർന്ന് പിറ്റേ ദിവസം തന്നെ പഞ്ചായത്തംഗത്തിന്റെ നേതൃത്വത്തിൽ കുട്ടികൾക്ക് സുരക്ഷിതമായി നടന്നുപോകുന്നതിനായി ഇരുമ്പു ഷീറ്റ് വിരിച്ച്  സൗകര്യം ഏർപ്പെടുത്തിയിരുന്നു. തുടർന്നാണ് ഇന്നലെ മുതൽ നടപ്പാലം നിർമാണമാരംഭിച്ചത്.