ഗുരു യുട്യൂബ്; വേദിക കസറി

യുട്യൂബിൽ നോക്കി നൃത്തം പഠിച്ച വേദികയ്ക്ക് അരങ്ങേറ്റ മത്സരത്തിൽ ഒന്നാം സ്ഥാനം. യുപി വിഭാഗം നാടോടി നൃത്തത്തിൽ ഒന്നാം സ്ഥാനം നേടിയ കട്ടപ്പന ഓസാനം ഇഎംഎച്ച്എസ്എസിലെ ആറാം ക്ലാസ് വിദ്യാർഥിനിയായ വേദിക യുട്യൂബ് വിഡിയോകൾ നോക്കിയാണ് നൃത്തം ചെയ്യാൻ തുടങ്ങിയത്. അമ്മ രജിതയും നൃത്തം അഭ്യസിച്ചിട്ടുണ്ട്. ഭരതനാട്യത്തോടാണ് വേദികയ്ക്ക് കൂടുതൽ താൽപര്യമെന്നറിഞ്ഞ് കട്ടപ്പനയിലെ നൃത്തവിദ്യാലയത്തിൽ ചേർത്തിട്ടുണ്ട്.