മലയോര ഹൈവേ നിർമാണം; ആലടിയിൽ മണ്ണിടിഞ്ഞ് ഗതാഗതം മുടങ്ങി

ഉപ്പുതറ ∙ മലയോര ഹൈവേയുടെ ഭാഗമായി നിർമാണപ്രവർത്തനങ്ങൾ നടക്കുന്ന ആലടിയിൽ മണ്ണിടിഞ്ഞു ഗതാഗതം മുടങ്ങി. ഇന്നലെ ഉച്ചയോടെയാണ് ആലടിക്കും പരപ്പിനും മധ്യേ മണ്ണിടിഞ്ഞത്. ഇതോടെ ഇതുവഴിയുള്ള ഗതാഗതം നിരോധിക്കുകയും വാഹനങ്ങൾ മേരികുളം-കൂരാമ്പാറ-ആലടി റൂട്ടിൽ വഴിതിരിച്ചുവിടുകയും ചെയ്തു. മലയോര ഹൈവേയുടെ പണികൾ നടക്കുന്നതിനാൽ അടിക്കടി വാഹനങ്ങൾ വഴിതിരിച്ചുവിട്ടതോടെ കൂരാമ്പാറ റോഡും തകർന്നിരിക്കുകയാണ്. ഈ റോഡ് ഗതാഗതയോഗ്യമാക്കണമെന്ന ആവശ്യവും ശക്തമായിട്ടുണ്ട്.