മാലിന്യം നിറഞ്ഞ് തോട്; സമീപവാസികൾ ദുരിതത്തിൽ

അടിമാലി ∙ ബിഎസ്എൻഎൽ–കാംകോ റോഡിനോടു ചേർന്നുള്ള തോട്ടിൽ മാലിന്യതള്ളൽ വർധിക്കുന്നു.സാമൂഹിക വിരുദ്ധർ ചാക്കിൽ കെട്ടിയാണ് ഇവിടെ മാലിന്യങ്ങൾ തള്ളുന്നത്. കഴിഞ്ഞ ദിവസങ്ങളിൽ പെയ്ത മഴയിൽ തോട്ടിൽ കുമിഞ്ഞുകൂടിയിരുന്ന മാലിന്യങ്ങൾ ഒഴുകിപ്പോയതിനു പിന്നാലെ വീണ്ടും ഇവിടം മാലിന്യം നിറഞ്ഞു.ഇതോടെ ഇതിനു സമീപം താമസിക്കുന്ന കുടുംബങ്ങൾ ദുരിതത്തിലായി. മാലിന്യം തള്ളുന്നവരെ കണ്ടെത്തി മാതൃകാപരമായി ശിക്ഷിക്കണമെന്ന ആവശ്യം ശക്തമാണെങ്കിലും പഞ്ചായത്ത് അധികൃതർ നടപടി സ്വീകരിക്കാത്തത് പ്രതിഷേധത്തിന് ഇടയാക്കിയിട്ടുണ്ട്.ഇതോടൊപ്പം മാർക്കറ്റിനു സമീപമുള്ള തോട്ടിലും മാലിന്യങ്ങൾ കുമിഞ്ഞുകൂടുകയാണ്