മരിയാപുരം സ്കൂളിലെ കുളവും പ്രതിമകളും നശിപ്പിച്ചു

ഇടുക്കി ∙ മരിയാപുരത്ത് സാമൂഹിക വിരുദ്ധരുടെ വിളയാട്ടം. സെന്റ് മേരീസ് എൽപി സ്കൂളിനു മുന്നിൽ സ്ഥാപിച്ചിരുന്ന ആമ്പൽക്കുളവും പ്രതിമകളും അലങ്കാരച്ചെടികളും നശിപ്പിക്കുന്നത് പതിവായിരിക്കുകയാണ്. സ്കൂൾ പരിസരങ്ങളിൽ മദ്യപശല്യവും രൂക്ഷമായി. നാട്ടിൽ വർധിച്ചു വരുന്ന സാമൂഹിക വിരുദ്ധരുടെ ശല്യം നിയന്ത്രിക്കുന്നതിന് ആവശ്യമായ അടിയന്തര നടപടികൾ പൊലീസ് അധികൃതർ സ്വീകരിക്കണമെന്ന് സ്കൂൾ മാനേജർ ഫാ.തോമസ് ആനിക്കുഴിക്കാട്ടിൽ ആവശ്യപ്പെട്ടു. യോഗത്തിൽ പിടിഎ പ്രസിഡന്റ് ജിബി കുളത്തിനാൽ അധ്യക്ഷനായി. ഹെഡ്മിസ്ട്രസ് സനു ജോസഫ്, ജെയ്മോൾ ജോർജ്, ഡിജോ വട്ടോത്ത് എന്നിവർ പ്രസംഗിച്ചു.