തണലായിരുന്ന അച്ഛൻ യാത്രയായ സങ്കടത്തിലും സന്തോഷിണിക്ക് മികച്ച ജയം
Mail This Article
×
കുമളി∙ തണലായി നിന്ന അച്‌ഛന്റെ വേർപാടിന്റെ നൊമ്പരങ്ങൾക്കിടയിലും പതറാതെ പരീക്ഷയെ നേരിട്ട സന്തോഷിണിക്ക് എസ്എസ്എൽസിസിക്ക് മിന്നും ജയം. 7 വിഷയങ്ങൾക്ക് എ പ്ലസ് നേടിയാണ് കുമളി ഗവ. ഹയർ സെക്കൻഡറി സ്കൂൾ വിദ്യാർഥിനിയായ സന്തോഷിണി വിജയിച്ചത്. ഐടി പ്രാക്ടിക്കൽ പരീക്ഷയുടെ ദിവസമാണ് അച്ഛൻ ജയകുമാർ (45) മരിച്ചത്.
വീടിനു സമീപം കാലുതെറ്റിവീണ് ചികിത്സയിലായിരുന്നു.ജയകുമാറിന്റെ നില ഗുരുതരമാണെന്നറിഞ്ഞ സ്കൂൾ അധികൃതർ ജില്ലാ വിദ്യാഭ്യാസ ഓഫിസറിൽനിന്നു പ്രത്യേക അനുമതി വാങ്ങി രാവിലെ 8നു സന്തോഷിണിക്കു മാത്രമായി പരീക്ഷ നടത്തി. പരീക്ഷ പൂർത്തിയായ ഉടൻ ആശുപത്രിയിൽ അച്ഛന് അരികിലെത്തിക്കാൻ പ്രധാനാധ്യാപിക എ.മല്ലികയുടെ നേതൃത്വത്തിൽ അധ്യാപകർ വാഹനം ക്രമീകരിച്ചു.എന്നാൽ പരീക്ഷ പൂർത്തിയാക്കി മകൾ പുറത്തിറങ്ങിയ നിമിഷം തന്നെ ആശുപത്രിയിൽനിന്നു ജയകുമാറിന്റെ വിയോഗ വാർത്തയെത്തി.
English Summary:
SSLC success story: Santoshini from Kumali achieved remarkable academic success despite the recent loss of her father. Her A+ in 7 subjects demonstrates incredible resilience and determination in the face of grief.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.